【住新界北仲同港島人拍拖好勁，咁都堅持到的確係真愛】
Hi各位大家好，唔知你地有冇印象睇過一條片叫《新界西人絕對係一群堅毅既物種》呢？不過有冇睇過都唔係問題，因為今日我想講新界北仲慘呀！
假如你係住喺元朗，其實你地周圍都係巴士站，仲要夜晚有好多架n車返去，可以慢慢同另一半喺出面食埋糖水先返去。但假如你住打鼓嶺、沙頭角、古洞，又要同港島人拍拖？Hi Auntie！你真係好勇敢！
首先出黎港島好似去取西經咁，去個台灣都冇咁遠，你直頭以為自己住喺深山。因為屋企附近係冇 巴 士 站架，得等十世先有車既小巴站！！所以男/女朋友一句叫你出黎，你決定出黎真係一件好偉大既事。你要等到小巴，然後你要由粉嶺、上水呢啲站出返黎，好喇搭左8個站終於都到九龍塘喇，但呢個時候另一半已經一早到左尖沙咀，仲問你到未...okay.....咁你再搭多6個站囉。最後，終於見到佢，恭喜曬。為左唔好遲到比人鬧，每次出黎除左要過九曲十三彎之外，仲要預早成個鐘出門口，呢段時間用黎打十次飛機或者睇五套咸片都得喇！
咁夜晚拍完拖返屋企既話代表咩？就係要有心理準備跑去搭尾班車架喇。假設你真係咁好彩平時有做開運動搭到尾班，到返到條邨已經非常寧靜....先唔好諗話會見到鬼，如果女仔一個人都咪話唔驚呀。但趕唔到尾班呢？又要嘥錢搭的士呀仆街，未到月尾已經要食樹皮...所以每次拍拖都要好似灰姑娘咁早走。
初初拍拖你另一半好好，可能仲會明白你；拍左拖幾年感情差左就會開始拎呢樣野做鬧你既藉口：「同我去埋睇戲啦，返遲一陣會死咩？」、「你次次都係咁，陪多我一陣都唔得，依家好唔中意我咩？」我頂，聽到呢幾句真心想叫佢收皮，佢識啲咩！？佢試過住新界北就知咩叫慘過食屎。
所以新界北既人好強勁，選擇拍拖簡直係戰鬥民族：
1. 唔怕黑（喺邨入面冇乜街燈，四周都係樹仲驚)
2. 跑步快（唔跑得快點趕尾班)
3. 好有錢(車錢都去左好多啦，邊有話唔去日本就儲到錢姐)
總括黎講，如果閣下依家同緊港島人拍拖，我真係恭喜你...呀唔係，我真係由心尊敬你❤️你的確好愛佢。
Search